«Գրեմմի-2018»-ի հաղթողները
Նյու Յորքում անցել է Ամերիկյան ձայնագրման ազգային ակադեմիայի հեղինակավոր «Գրեմմի» մրցանակաբաշխության 60-րդ արարողությունը։
«Տարվա ալբոմ» է ճանաչվել Բրունո Մարսի 24K Magic ալբոմը։ Նա պարգևատրվել է That’s What I Like ստեղծագործության համար։ Այդ երգը հաղթել է նաև «Լավագույն R&B երգ» և «Լավագույն R&B կատարում» անվանակարգերում։
Լավագույն պոպ կոմպոզիցիան է ճանաչվել Էդ Շիրանի Shape of You երգը։ Նա ստացել է «Գրեմմի» նաեւ լավագույն սոլո պոպ ալբոմի համար (Divide)։
Լավագույն ռոք ալբոմ է համարվել The War On Drugs խմբի A Deeper Understanding ալբոմը։The Rolling Stones-ը ստացել է «Գրեմմի» Blue&Lonesome ալբոմի համար Best Traditional Blues Album անվանակարգում։
Շաքիրան El Dorado ալբոմի համար ստացել է «Գրեմմի» Best Latin Pop Album անվանակարգում։
Լավագույն ռոք երգ է ճանաչվել Foo Fighters–ի Run–ը։
Քենդրիք Լամարի Humble երգի տեսահոլովակը լավագույնն է ճանաչվել։ Այս երգը ստացել է մրցանակ նաեւ Best Rap Song եւ Best Rap Performance անվանակարգերում։
Ռիհաննայի հետ նրա Loyalty զուգերգը ստացել է մրցանակ Best Rap/Sung Performance անվանակարգում։ Ի դեպ, նա է հաղթել նաեւ լավագույն ռեպ ալբոմ անվանակարգում DAMN ռեպ ալբոմի համար։
Depeche Mode խումբը ստացել է «Գրեմմի» You Move (Latroit Remix) երգի լավագույն ռեմիքսի համար։
ՌԴ նախագահ Վլադիմիր Պուտինի մասին երգի հեղինակը՝ ամերիկացի Ռենդի Նյումանը, «Պուտին» երգի համար մրցանակի է արժանացել:
Լոսանջելեսաբնակ Նյումանը հաղթել է «Լավագույն գործիքավորում» անվանակարգում՝ ստանալով իր կարիերայի ընթացքում 8-րդ «Գրեմմի»-ն: