Հայաստանը հույսեր չի փայփայում, որ Ադրբեջանը կառուցողական դիրքորոշում կորդեգրի ԼՂ կարգավորման հարցում: Այս մասին հայտարարել է Հայաստանի նախագահ Սերժ Սարգսյանը՝ Փարիզում «Ֆիգարո» թերթին տված հարցազրույցում:Նրա խոսքով, Հայաստանի եւ Ադրբեջանի ԱԳ նախարարների վերջերս Փարիզում կայացած հանդիպումը պետք է ցուցադրեր խաղաղ կարգավորման բանակցությունները շարունակելու կողմերի համաձայնությունը՝ գոյություն ունեցող բանակցային գործընթացի շրջանակներում: «Այդուհանդերձ, այդ հանդիպումը նոր հույսեր չտվեց»,-ասել է Սերժ Սարգսյանը: Նա նշել է, որ Բաքուն հրաժարվում է ընդունել միջազգային միջնորդների առաջարկած սկզբունքները որպես բանակցությունների անցկացման հիմք: Հակառակը, Ադրբեջանի ղեկավարությունը կարծում է, որ կարելի է միանգամից պայմանավորվել խաղաղ համաձայնության մասին՝ չպայմանավորվելով հիմնարար սկզբունքների շուրջ:«Սակայն խաղաղ համաձայնությունը կարող է կենսունակ լինել միայն եթե այն հիմնված է հստակ սկզբունքների վրա, որոնք ընդունելի են բոլորի համար»,-ընդգծել է նախագահ Սերժ Սարգսյանը:Նա նշել է, որ թեեւ Ադրբեջանի իշխանությունների գործողություններին, որոնք փառաբանում են հայ սպային կացնահարած ադրբեջանցի զինծառայողին, Հայաստանը պատրաստ է այսուհետ եւս անել հնարավորը՝ ԼՂ հարցում խաղաղ կարգավորման հասնելու համար:
Նմանատիպ հոդված
Կիրանցում վնասվածքներ են ստացել և բժշկական կենտրոն տեղափոխվել ոստիկանության ծառայողներ
27 Ապրիլի, 2024, 01:39
ՀՀ զինված ուժերին քաղաքական գործընթացների մեջ ներքաշելու ցանկացած փորձ կարժանանա համարժեք իրավական գնահատականի. ՊՆ
27 Ապրիլի, 2024, 01:12
Քննարկվել է ԼՂ-ից բռնի տեղահանված անձանց բնակարանային ապահովման ծրագրի նախագիծը
26 Ապրիլի, 2024, 23:40
Պետությունը սուբվենցիոն մեծ գումարներ է ծախսում, արդյունքները միշտ չէ, որ գոհացնում են
26 Ապրիլի, 2024, 22:11
Կարդացեք նաև
Close