Արևմտահայ որբերի կյանքի պատմությունները կարծես հորինված լինեն։ Չէ որ նրանցից շատերն անգամ իրենց անուններն ու ծնողներին չեն հիշել։ Ալեքսանդրապոլի ամերիկյան որբանոցների սաների ժառանգների հուշերն ունեն նմանություններ։ Նրանք վկայում են, որ իրենց հարազատները բազմաթիվ դժվարությունների միջով են անցել, գլխին ծածկ չունեցող և հանապազօրյա հացից զուրկ որբ երեխաները նույնիսկ երանի են տվել մանկատներում ապաստանած բախտակիցներին։ Որբ երեխաների մեջ քիչ չէր նրանց թիվը, որոնց ճակատագրերը հետագայում խաչվել են ընտանեկան հարկի տակ։
Թեմային է անդրադառնում մանկավարժական գիտությունների թեկնածու, «Ապրեցին՝ հաղթելով» և «Խաչված ճակատագրեր» գրքերի հեղինակ Անի Մանուկյանը։
«Խաչված ճակատագրեր»`մաս 1-ին։
