Պլաստիկը՝ աթոռ, պոլիեթիլենը՝ պայուսակ, թուղթը՝ զարդատուփ․ թափոնը ոչ թե աղբ, այլ ռեսուրս է

Գեղարքունիքի մարզի երեխաներն արդեն գիտեն, որ թափոնը երբեմն ոչ թե աղբ, այլ ռեսուրս է։ «Գետերի ափամերձ տարածքների վերականգնում Հայաստանում» ծրագրի շրջանակում Սևան թափվող 10 գետերից դուրս է բերվել 375 043 կիլոգրամ աղբ։ 1107 կիլոգրամ պլաստիկ և թուղթ տեղափոխվել է վերամշակման կայան։ Դրանցից՝ արվեստ դարձած մի քանի գրամն էլ ցուցադրվել է Երևանի Բուսաբանական այգում։