Ի՞նչն է հույս տալիս, որ Մոսկվայի պայմանագիրը կվերանայվի․ԳԱԱ-ում վերլուծում են ամենահակահայկական փաստաթուղթը

Այսօր լրանում է 1921 թվականի մարտի 16-ի Մոսկվայի պայմանագրի ստորագրման 100-ամյակը: 100 տարի առաջ այս օրը բոլշևիկյան Ռուսաստանի ու քեմալական Թուրքիայի միջև կնքված «Բարեկամության և եղբայրության պայմանագրով» մասնատվեց հայ ժողովրդի պատմական հայրենիքը՝ հայկական կողմին թողնելով այդ հայրենիքի ընդամենը 1/10-րդ մասը:

1921 թվականի Մոսկվայի, ապա Կարսի պայմանագրերով ռուսական կողմը Թուրքիային զիջեց Կարսը և Սուրմալուն, իսկ Նախիջևանը հանձնվեց Ադրբեջանին: Արդեն հարյուր տարի գործող պայմանագիրը պատմաբանները բնորոշում են ոչ միայն ամենահակահայկական, այլև հակաօրինական պատմական փաստաթղթերից մեկը, որի վերանայման հավանականության հույսը ԳԱԱ պատմության ինստիտուտի տնօրեն Աշոտ Մելքոնյանը, գոնե, երբևէ չի կորցրել։