Արդյոք լա՞վ ենք ճանաչում մեր մշակութային ժառանգությունը, ազգային արժեքները, կարողանո՞ւմ ենք զանազանել ճիշտ կամ սխալ, լավ կամ վատ երաժշտությունը, արդյոք մեզ պարտական համարո՞ւմ ենք ինչ-որ բան անել եղածը շտկելու, լավացնելու, ավելացնելու համար, կարճ ասած՝ որքան ենք մենք մեզ ճանաչում՝ ազգային մշակույթի, մեր դեպքում ազգային երաժշտության միջոցով:
Զարեհ Գալստյան. մեկն այն երիտասարդ երաժիշտ-կատարողներից, ում եթե հարցնես՝ ինչո՞ւ թառ, կպատասխանի՝ իսկ ինչո՞ւ ոչ թառ:
10 տարեկանից իր նվագարանին սիրահարված Զարեհը հետաքրքիր երաժշտական ուղի է անցել, իր հետաքրքիր, իր հատուկ մոտեցումն ունի դեպի երաժշտությունն ու դեպի ազգային նվագարանները, երազում է լինել աշխարհի բոլոր երկրներում ու նվագել բոլոր կարևոր բեմերում: