«Ժամանակը ցույց կտա մեր կատարած ճանապարհաշինարարությունը որակով է, թե` ոչ»,– «Ռադիոլուրի» հյուրասրահում տարածքային կառավարման ու ենթակառուցվածքների փոխնախարար Բագրատ Բադալյանն այսպես է արձագանքել այն ընդդիմախոսներին, որոնք հայտարարում են, որ 2019 թվականին Հայաստանում իրականացված լայնածավալ ճանապարհաշինարարական աշխատանքները այնքան էլ որակով չեն կատարվել։
Փոխնախարարը նշել է նաև, որ վերջերս վերանորոգած կամ նորոգած ճանապարհի որևէ հատված չկա, որտեղ կրկնակի աշխատանք արված լինի։ Հիմնանորոգված կամ միջին նորոգված ճանապարհներն առնվազն ութից տասը տարի կծառայեն` ասել է Բադալյանը։
Նրա խոսքով, բոլորն են անզեն աչքով տեսնում , որ հիմնանորոգվում են այն հատվածները, որոնք ունեն դրա կարիքը։ Այստեղ ծանոթ–բարեկամ սկզբունքը չի գործում։
Բագրատ Բադալյանը խոսել է նաև 2020–ին նախատեսված ճանապարհաշինարարական ծրագրերից, ինչպես նաև Հյուսիս–հարավ ճանապարհային միջանցքի հետագա ճակատագրից։