Կառավարությունը հայտարարել է 2050 թվականին 5 մլն բնակչություն ունենալու գերնպատակի մասին:
Ինչպե՞ս է հնարավոր լինելու հասնել այս ցուցանիշին, ո՞ր քայլերն են ապահովելու ժողովրդագրական բեկումը:
«Արժեքների հեղափոխություն» հաղորդման հեղինակ Վահե Հովհաննիսյանը կարծում է, որ իրավիճակը փոխելու համար շատ ժամանակ չունենք. «Առաջիկա 5 տարիներին պետք է հասնենք նկատելի արդյունքների, եթե ուզում ենք դրական աճի տեմպով շարունակել ժողովրդագրական փոփոխությունը»:
Աջակցության ծրագրերը, ըստ նրա, անհրաժեշտ են, բայց ոչ բավարար ժողովրդագրական իրավիճակը փոխելու համար:
«Լավ է, որ նպաստներն ավելանում են, լավ է երեխայի ծննդյան համար 50 հազարի փոխարեն 300 հազար ստանալ: Բայց վերլուծվե՞լ է արդյոք, թե որքանով է լավ: Վստահ չեմ, որ խորը ուսումնասիրության դեպքում, կհանգեինք աջակցության այս ձևին»,- ասում է Հովհաննիսյանը:
Նրա դիտարկմամբ՝ կուտակային կենսաթոշակային համակարգի փիլիսոփայությունը հակասում է ժողովրդագրական աճի նպատակին: Թե ինչու, լսեք «Արժեքների հեղափոխություն» շարքի հերթական հաղորդման ժամանակ:
