Անի Զէյթունցեան
Ռատիօ Լուր
Հրաչ Սիմօնեան՝ Լոս Անճըլսէն ժամանած հիւրս, յայտնի երգիչ Սեպուհ Սիմօնեանի հայրն է, նաև Երևանի մէջ յատուկ շէնքի նախաձեռնողն ու կառուցողն է , որուն մէջ թրքական ապրանք չէ օգտագործուած . այդ շէնքն իր մուտքին կը կրէ հետևեալ գրութիւնը.
Այս շէնքը սարքելիս թրքական ապրանք չի օգտագործուել: Մենք պահում ենք հայ զինուորին, ոչ թուրք:
«2005-ին Վիգէն Արապեանին հետ յղացանք շէնք մը կառուցելու գաղափարը: Որոշած էինք, որ շէնքի կառուցման մէջ թրքական ապրանք չենք օգտագործելու և երբէք կաշառք չենք տալու: Մենք յաջողեցանք՝ բազմաթիւ դժուարութիւններու հանդիպելով» , — ըսաւ զրուցակիցս:
Անոնք շէնքը յաջողութեամբ աւարտին հասցուցին , այսօր այդ շէնքը բնակելի է: Հրաչ Սիմօնեան հպարտ է այդ կառոյցով, նաև կը յուսայ , որ օր մը իր թոռներն ալ կը հպարտանան իրենց մեծ հօր կառուցած շէնքով:
Երբեմն տարօրինակ կը թուի, թէ ինչպէս կարելի է պայքարիլ բոլորին դէմ, պզտիկ քայլերով կը սկսի ամէն բան: Սկիզբը միայն սփիւռքահայեր էին այդ գաղափարի տէրը, հիմա Հայաստանի մէջ ալ կան ընդունողներ այդ գաղափարը: Սա սկզբունքային խնդիր է, անհատական խնդիր , երբ մեծ հայրդ կորսնցուցած ես Ցեղասպանութեան ընթացքին, կը պայքարիս այդ բոլորին դէմ, ինչ որ ունիս միջոցներ:
Հրաչ Սիմօնեան 1973-ին աշխատած է Լիբանանաի Համազգային միութեան կէս ժամեայ յատագրին մէջ Լիբանանի պետական Ռատիօ-էն, ան վարած է հարցազրոյցներ քաղաքական և մշակութային մարդոց հետ, նոյնիսկ սովետական Հայաստանէն բազմաթիւ հիւրեր ընդունած է:Ան կ՛ափսոսայ , որ այդ արխիւները չեն պահպանուած. օրինակ հիւրընկալած է Յովհաննէս Պատալեանը, Ռուբէն Մաթէոսեանը, Ռաիսա Մկրտչեանը , Օհան Դուրեանը : Արարատ խաղցոցներուն հետ նոյնպէս վարած է հանդիպումներ Լիբանանի պատերազմէն առաջ:
Հայաստանի Յեղափոխութեան օրերուն պարոն Սիմօնեան Ամերիկա կը գտնուէր : Ան կը պատմէ, թէ կ՛ ապրէր Հայաստանի ժամերով ,կը հետևէր իւրաքանչիւ անձուդարձին:
«Հայաստանի մէջ շատ բան փոխուած է. նախ Երևանը գեղեցկացած է, սակայն ամէնէն կարևորը Հայաստանի համար արդարութիւնն է: Արդարութեան վստահութիւնը, որ կայ ժողովուրդին քով»,-կ՛ըսէ Հրաչ՝ յայտնելով իր կարծիքը Թաւշեայ յեղափոխութենէն վերջ Հայաստանի ժողովուրդի մասին:
Ան կը յորդորէ սփիւռքահայերուն, որ գան Հայաստան , իրենց ներդրումը կատարեն. ոչ միայն օգնեն Հայաստանին, այլև օգտուին , այսօր Հայաստանի մէջ մեծ կարելիութիւններ կան ,ան կը կարծէ որ լաւ ընթացքի մէջ ենք : Ցեխարձակումներ ալ կան, բայց ընդհանուր պատկերի մէջ պիտի յաջողինք:
