Արտագաղթի օրագիր․ գայթակղություններ և իրականություն
«Արտագաղթի օրագիր» հաղորդումն ադրադառնում է անկանոն միգրացիայի խնդիրներին։
Սկսած 2014 թ-ից եվրոպական մի շարք երկրներ ստիպված էին դիմագրավել միգրացիոն ճգնաժամը։ Եթե մինչ այդ Եվրոպայում ապաստան էին փնտրում տարեկան 500-ից 600 000 անձ,ապա 2015 թ-ին նրանց թիվը կրկնապատկվեց՝ գերազանցելով 1․3 միլիոնը, 2016 թ-ին այն կազմեց շուրջ 1․2 միլիոն և միայն վերջին 2 տարում վերադարձավ նույն մակարդակին։
Այս ցուցանիշով եվրոպական երկրների մեջ առաջատարը Գերմանիան է, որտեղ 2018 թվականին ապաստան է հայցել ավելի քան 160 000 օտարերկրացի։
Վերջիններիս թվում որոշակի մաս են կազմում Հայաստանի քաղաքացիները։ 2018 թ-ի ընթացքում Գերմանիայում առաջին անգամ ապաստան են հայցել 1 510 ՀՀ քաղաքացիներ, իսկ տարեվերջի դրությամբ նրանց ընդհանուր թիվը կազմել է 7 570։
«Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրը ֆինանսավորվում է Գերմանիայի Դաշնային Հանրապետության արտաքին գործերի նախարարության կողմից։