լրացված 16.90
Հարկային պարտավորությունները փոքր-ինչ բարձրացնելով հասնել թափանցիկության. ՊԵԿ նախագահի պատասխանը՝ տոնավաճառների դժգոհ աշխատակիցներին:
Դավիթ Անանյանը այսօր հայտարարել է՝ վերադարձ նախորդ համակարգին՝ հարկեր թաքցնելու մեթոդին չի լինելու: Կոնկրետ այս խմբի համար հարկային բեռի նվազեցում չի նախատեսվում, այլ տնտեսվարողների համար՝ ծրագրվում է:
Նոր կառավարության հարկային քաղաքականությունը պարզ է՝ ուղղակի հարկերի՝ շահութահարկի ու եկամտային հարկի նվազում: Հստակ է նաև, որ սինգապուրյան հրաշք Հայաստանի հարկային համակարգում չի լինի:
Ֆինանսների նախարարությունից ՊԵԿ գործուղված Անանյանը կարևորում է եկամտային հարկում նախատեսվելիք փոփոխությունները:
Շրջանառության հարկի դաշտում գործողների հարկային բեռը առնվազն պետք է հավասար լինի հարկման այլ դաշտում գործողների հարկային բեռի հետ:
Տնտեսական զարգացման ու ներդրումների փոխնախարար Հակոբ Ավագյանը «Ռադիոլուրի» հետ զրույցում ընդգծում է՝ հենց շրջանառության հարկի շեմն է ամենաշատը անհանգստացնում տնտեսվարողներին:
ՊԵԿ նախագահը խոստանում է՝ ՀՕ առկա տարընթերցումները, ոչ ճշգրիտ ձևակերպումները կվերանան: Հիմնական պարզեցումները կլինեն արդեն հաջորդ տարի:
Հատկապես տոնավաճառների աշխատակիցները վերջին օրերին աղմկում են ներկրվող ապրանքների մաքսազերծման հետ կապված խնդիրների պատճառով:
Վստահեցնում են՝ այժմ ավելի շատ են հարկ վճարում, քան, երբ գործում էր Նորֆոլկ ընկերությունը։ Այն, ի դեպ, լուծարված է, իրավահաջորդ չունի: Աշխատանքը կատարում են ՊԵԿ 27 աշխատակիցները:
ՊԵԿ նախագահ Դավիթ Անանյանի այսօր հստակեցրեց՝ մաքսազերծումն ավելացել է 50 ցենտով, այս գումարի շրջանակներում կապահովեն թափանցիկություն։
«Մաքսազերծման գումարներին գումարել են նաև բեռնափոխադրողների ծախսերը նաև: Դրա հետ մենք կապ չունենք: Հարկերի նվազեցում չի կարող լինել:»
Անանյանը նաև նշեց նախկինում Չինաստանից բեռները մաքսազերծվում էին մեկ կգ՝ 3,25 դոլար, այժմ՝ հագուստի ու կոշկեղենի դիմաց՝ 3,75 դոլար: Մնացած ապրանքների դեպքում կատարվելու է մաքսազերծում` ըստ տեսականու: Թուրքիայից ապրանք ներկրելիս՝ մեկ կգ. ի համար բարձրացել է 90 ցենտ:
