ՌԴ ԱԳՆ Սերգեյ Լավրովի հրավերով Մոսկվայում է ՀՀ ԱԳ նախարար Զոհրաբ Մնացականյանը, երկկողմ այնուհետև ընդլայնված կազմով հանդիպումներից հետո երկու երկրների արտգործնախարարները հանդիպել են լրագրողներին ու պատասխանել հարցերին:
Լավրովի խոսքով՝ հայ գործընկերոջ հետ բանակցություններն ընթացել են կառուցողական, մտերմիկ մթնոլորտում, երկու երկրներին կապող դաշնակցային հարաբերությունների ոգով:
Երեւանն ակնկալում է, որ առաջիկայում տեղի կունենան հայ-ռուսական բարձր մակարդակի, նոր շփումներ, ասել էՀՀ ԱԳՆ Զոհրաբ Մնացականյանը: Հայաստանը տրամադրված է Ռուսաստանի հետ սերտ համագործակցությունը էլ ավելի խորացնելու եւ ընդլայնելու բոլոր ոլորտներում, այդ թվում՝ նաեւ ԵՏՄ եւ ՀԱՊԿ շրջանակում:
Այդ մտադրությունների մասին արդեն խոսվել է Սոչիում կայացած՝ Հայաստանի վարչապետի և Ռուսաստանի նախագահի հադիպման ժամանակ: Ուրախ ենք, որ այդ հանդիպումների դինամիկան պահպանվում է, և առաջիկայում սպասում ենք նոր հանդիպումներ ասել է ՀՀ ԱԳՆ:
Քննարկումների առանցքում է եղել ղարաբաղյան խնդրի կարգավորման հարցը:
Թե մոսկովյան հանդիպումների և թե Աժ-ում կառավարության ծրագրի ներկայացման օրագարկում առանցքային դիրքերում է ղարաբաղյան խնդրով բանակցություններին Արցախի մասնակցության հարցը:
Նիկոլ Փաշինյանի այս հայտարարության մասին հարցին ի պատասխան՝ ՌԴ ԱԳՆ Սերգեյ Լավրովը արձագանքել է. Ռուսաստանի դիրքորոշումը ղարաբաղյան խնդրում չի փոխվել: Խնդրի կարագվորման գործընթացի համար օպտիմալ ձևաչափը ԵԱՀԿ ՄԽ-ի շրջանակներում բանակցությունների անցկացումն է:
«Ռուսական կողմի դիրքորոշումը անփոփոխ է: Այն միշտ կողմ է ղարաբաղյան խնդրի կարգավորմանը՝ ԵԱՀԿ ՄԽ—ի շրջանակներում: Մենք վստահ ենք, որ դա օպտիմալ ձևաչափ է: Մենք որպես համանախագահող երկիր ՄԽ—ի մյուս համանախագահողների՝ ամերիկացիների ու ֆրանսիացիների հետ միասին վարում ենք ընդհանուր հետաքրքրություն ու իրար չհակասող պայմանների առաջադրում, որոնք հնարավորություն կտան՝ Երևանին ու Բաքվին պայմանավորվածության գալ: Այս աշխատանքը շարունակվում է երկար տարիներ, եղել են տարբեր էտապներ, բայց որոշ էտապներում, ի դեպ, Արցախին սպասվում էր մասնակցություն այդ գործընթացին: Հետո ձևաչափը փոխվեց:
Եթե կողմերը համաձայության գան, որ որոշակի էտապում Արցախը կրկին պետք է մասնակցի գործընթացին, դա կլինի իրենց որոշումը և մենք կհարգենք այդ որոշումը»:
Ու մինչ Մոսկվայում Հայաստանի և Ռուսաստանի ԱԳՆ-ները խոսում են բանակցություններում Արցախի մասնակցության մասին վարչապետ Նիկլոլ Փաշինյնաը ևս մեկ անգամ ԱԺ-ի ամբիոնից հայտարարեց, որ կարևորում է Արցախի մասնակցությունը բանկցություններին:
«Չեն կարող լիարժեք համարվել, քանի դեռ բանակցող կողմերից մեկը չի մասնակցում բանակցություններում:
Սա նոր բան չէ, այլ լավ մոռացված հին մոտեցում է հստակեցրեց վարչապետը: Նա հիշեցրեց, որ ժամանակին բանակցությունները տեղի էին ունենում հենց այս ձևաչափով:
«Ռոբերտ Քոչարյանը եղել է Ղարաբաղի ընտրված նախագահ, իսկ Սերժ Սարգասյանը Արցախի ինքնապաշտպանական շարժման կազմակերպիչներից է, հետևաբար նրանք կարող էին ունենալ Ղարաբաղի անունից բանակցելու մանդատ ասել է Փաշինյանը միաժամանակ պարզաբանելով՝«նույնը չեմ կարող անել ես: Դրա համար չկա ոչ իրավական ոչ քաղաքական, ոչ բարոյական իրավունք»:
Բանակցությունների արդյունավետությունը բարձրացնելու համար սակայն նախ պետք է կյանքի կոչվեն արդեն ձեռք բերված պայմանավորվածություններն ասաց վարչապետը: Նա հայտարարեց, որ Հայաստանը կառուցողական է տրամադրված, բայց ադեկվատությունը չի կորցնի. «Եթե Ադրբեջանը պատրաստվում է պատերազմի, մենք էլ դրան պետք է պատրաստվենք:
Մենք չենք պատրաստվում պարտության: Մենք մեր հանրությանը պատրաստում ենք հետագա հաղթանակների: Եթե հակառակորդը ցույց կտա, որ պատրաստվում է խաղաղության, մենք էլ կպատրաստվենք խաղաղության հստակեցրել է Հայաստանի վարչապետը: