Արդեն նշել ենք, որ այս տարի նախատեսվում է խոշորացնել Արմավիրի մարզի համայնքները: Ամենայն հավանականությամբ այն կարող է լինել աշնանը:
Մարզում համայնքների միավորման հետ կապված քննարկումները շարունակվեցին նաև Էջմիածնի տարածքի գյուղերում:
Հանրային կարծիքի ուսումնասիրությունն իրականացվել է Եվրասիա համագործակցության հիմնադրամի, Արմավիրի զարգացման կենտրոնի, Համայնքների ֆինանսիստների միավորում և Հետազոտական ռեսուրսների կովկասյան կենտրոնի համագործակցությամբ:
Բաղրամյանի տարածքի գյուղերի հետ համեմատած Էջմիածնի համայնքներն ավելի մոտ են և խիտ բնակեցված: Կան համայնքներ, որոնց վարչական սահմանը բաժանում է առուն է կամ ճանապարհը: Հանրային քննարկումներում առաջարկվում է 3-4 գյուղի միավորում:
Գրիբոյեդով համայնքի ղեկավար Վահե Գրիգորյանն ասում է՝ գյուղի ներկայիս խնդիրը կենտրոնական ճանապարհի նորոգումն է, որի համար միջոցները չեն բավարարում, համայնքի բյուջեն 42 մլն դրամ է: Ենթադրում է, որ միավորման դեպքում այդ խնդրի լուծում:
Համայնքների խոշորացումը ավելի նպատակահարմար է փոքր համայնքերի դեպքում, այս կարծիքին է Շահումյանի գյուղապետ Հարութուն Նավասարդյանը: 1993թ Շահումյանը համայնքը կազմալուծվեց 2 մասի, որի արդյունքում ստեղծվեց Շահումյանի թռչնաֆաբրիկա համայնքը: Շահումյանը ներկայում քիչ բնակչություն ունի, սեփական եկամուտներով համալրվող բյուջեն 6 մլն դրամ է, բարեգործությամբ վերակառուցված մանկապարտեզը բյուջեի սղության պատճառով չեն կարողանում շահագործել:
Համայնքների խոշորացման հանրային քննարկումներում դժգոհություններ կային ավելի մեծ բյուջե ունեցող գյուղերից, սպասվում են նաև աշխատատեղերի կրճատումներ:
Համայնքների խոշորացմանը վերաբերող հարցումները Արմավիրի Զարգացման կենտրոնի աշխատակից, վարչատարածքային բերեփոխումների վերաբերյալ հանրային կարծիքի ուսումնասիրության համակարգող Անի Թովմասյանը փորձել է համայնքների ղեկավարների հետ հեռախոսազրույցով հասկանալ համայնքի ներուժը և յուրովի մոտեցել խնդրին՝ կազմելով փնջերը, նշելով՝ մոտավոր վարչական կենտրոնները:
Հանրային մասնակցություն տեղական ինքնակառավարմանը ծրագրի համընկերության ղեկավար Վահան Մովսիսյանը կարևորեց համայնքների ղեկավարների և բնակիչների մասնակցությունը սպասվող վարչատարածքային բարեփոխումներում, որպեսզի համայնքների միավորումը հակառակ ազդեցությունը չունենա սպասելիքներից:
Վահան Մովսիսյանը նշեց նաև խանգարող հանգամանքները, երբ համայնքների ղեկավարները չեն ցանկանում զրկվել իրենց աթոռից: Գրիբոյեդովի համայնքի ղեկավար Վահե Գրիգորյանը նշեց, որ ընտրությունից հետո, ընտրվելու կամ չընտրվելու դեպքում, ինքը չի աշխատի մրցակից համայնքների ղեկավարների հետ:
Կարծիքները տարբեր են, որոնք մշակվելու են ու ներկայացվելու տարածքային կառավարման և զարգացման նախարարություն:
