«Հանրային ռադիոյի» լրագրողի մասնագիտական գործունեությունը խոչընդոտելու դեպքով քրգործ է հարուցվել

Քննչական կոմիտեի մամուլի բաժնից հայտնում են, որ «Հանրային Ռադիո» ընկերության աշխատակից Վ.Թադևոսյանն ապրիլի 22-ին հաղորդում է ներկայացրել, որ նույն օրը՝ ժամը 18:30-ի սահմաններում, Երևանի Աճառյան փողոցում գործող «Ֆորդ» սերվիսի մոտ իր կողմից լրագրողական գործունեություն կատարելու ժամանակ դիմակավորված, քաղաքացիական հագուստով անհայտ անձիք մահակներով հարվածել են իրեն, ոլորել ձեռքերը՝ պատճառելով ֆիզիկական ցավ։ Բացի այդ, հափշտակել են իր «IPad Air 2» տեսակի պլանշետը և «Samsung Galaxy J7» տեսակի բջջային հեռախոսը՝ դրանով խոչընդոտելով իր՝ լրագրողի մասնագիտական օրինական գործունեությանը, այնուհետև մահակներով հարվածել և վնասել իրեն պատկանող «Nissan Tiida» մակնիշի ավտոմեքենան՝ պատճառելով գույքային վնաս: