Այս տարի համայնքների խոշորացում է նախատեսվում նաև Արմավիրի մարզում:
Որ համայնքները կմիավորվեն, ինչպիսի համայնքային փնջեր կձևավորեն և որը կլինի համայնքային կենտրոնը՝ դեռ պարզ չէ:
Այս հարցն առայժմ քննարկման փուլում է և մարզում կազմակերպվում են հանրային լսումներ:
Մինչև կառավարության համայնքների խոշորացման վերաբերյալ ծրագրի իրականացումը, Արմավիրի զարգացման կենտրոն հասարակական կազմակերպությունը Եվրասիա համագործակցութայն հիմնադրամի «Հանրային մասնակցությունը տեղական ինքնակառավարմանը» ծրագրով հանրային լսումներ են կազմակերպել Արմավիրի մարզի տարբեր համայնքների բնակիչների և համայնքների ղեկավարների մասնակցությամբ:
Հանրային լսումները նպաստում են փնջերի ճիշտ ձևավորմանն ու համայնքային կենտրոնի ընտրությանը համայնքների զարգացման և ուժեղացման տեսակետից:
Արմավիրի զարգացման կենտրոն հասարակական կազմակերպության գործադիր տնօրեն Նաիրա Առաքելյանը նշեց, որ մեթոդաբանությունն այնպես է ընտրվել, որպեսզի հաշվի առնվի ամեն ինչ և ըստ այդմ էլ վերլուծություն արվի:
Օրեր առաջ կայացած հանրային քննարկմանը մասնակցել են Բաղրամյանի 15 համայնքի մի քանի բնակչ: Այս համայնքներից 7-ը համեմատաբար ավելի երիտասարդ գյուղեր են, որտեղ վերջին տարիներին տնտեսության զարգացման որոշակի շարժ է սկսվել հողերի օտարման արդյունքում, մյուսներն ավելի հին բնակավայրեր են, որոնց թվում են նաև հնագույն մայրաքաղաքներ Երվանդաշատն ու Բագարանը:
Հանարային քննարկումներում բնակիչները կարծիք են հայտնում սահմանակից գյուղերի հնարավորությունների, ենթակառուցվածքների, ուժեղ և թույլ կողմերի մասին: Երվանդաշատի բնակիչը դեմ չէ այլ համայնքային կենտրոն ունենալուն, բայց Երվանդաշատ անվամբ:
Երվանդաշատը Բագարան, Կողբավան, Արտամետ, Վանանդ գյուղերին հարակից է, բայց փոքրիշատե ավելի զարգացած: Զարգացման փուլում է նաև Տալվորիկը: Բաղրամյանի տարածքի անմշակ հողերը խոշոր տնտեսվարողների կողմից օտարվելուց հետո տեղական բյուջեի մուտքերը սկսեցին ավելանալ և ներդրումներ արվել գյուղերում: Գյուղերի միավորման դեպքում Տալվորիկի բնակիչները մտավախություն ունեն տեղական բյուջեի կառավարման հարցում, որը կուղղվի մյուս համայնքներին ու գյուղը դարձյալ հետընթաց կունենա:
Տալվորիկում վերջին տարիներին կառուցվել են խմելու և ոռոգման նոր ջրագծեր, անցկացվել է բնական գազ: Առաջիկայում ակնկալվում է մանկապարտեզի, առողջապահական կենտրոնի, առևտրի կենտրոնի կառուցում: Բաղրամյանի տարածքի մի քանի գյուղեր, որոնք գտնվում են նույն ճաապարհի վրա չունեն երթուղին սպասարկող հասարակական տրանսպորտ: Հանրային քննարկման մասնակիցները կարծիք հայտնեցին, որ Բաղրայանի տարածքի գյուղերի խոշորացման դեպքում մի քանի համայնքներ կարող են անտեսվել և կավելանա արտագաղթը՝ դատարկելով գյուղերը:
Տալվորիկում այժմ 46 տնից 10-ի դռները փակ են: Տալվորիկում ապրում է 181 բնակիչ: Կողբավանում ավելի քիչ բնակիչ կա՝ 138 մարդ: Նրանք ըստ համայնքի ղեկավար Սերոբ Սերոբյանի, միայն ձմռան ամիսներին չեն մնում գյուղում, ասում է՝ ոռոգման ջրի հետ գալիս են, ջրի հետ գնում: Այս գյուղում չկա դպրոց ու մանկապարտեզ, երեխաները հաճախում են հարակից Վանանդի դպրոց:
Համայնքների խոշորացման և միջհամայնքնային միավորումների ձևավորման հայեցակարգով խոշորացվող համայնքներում կավելանան ֆինանսական ռեսուրսները, որը հնարավորություն կտա համայնքային ծրագրերի իրականացմանը:
Հանրային լսումներ անցկացվել են նաև Արմավիրի տարածքի 37 գյուղից 11-ում, իսկ այսօր լսումներ են կազմակերպվել Վաղարշապատի տարածքի համայնքների բնակիչներ հետ:
Հանրային լսումներից հետո կարծիքները հավաքագրվում, համայնքային ֆինանսիստների միավորման ու հետազոտական ռեսուրսների կովկասյան կենտրոնի կողմից ուսումնասիրվում են, մշակվում և ներկայացվում տարածքակին կառավարման և զարգացման հիմնադրամ:
