Ապրիլի 15-ին հատկապես Լոռիի, Տավուշի, Սյունիքի և Արցախի լեռնային և նախաալեռնային գոտիներում սպասվող տեղումները կլինեն թաց ձյան տեսքով: Այս մասին հայտնում են ԱԻ նախարարությունից:
Հանրապետության տարածքում ապրիլի 15-ի ցերեկը՝ Լոռիում, Տավուշում, Սյունիքում և Արցախում, 20-ին՝ շրջանների զգալի մասում սպասվում է անձրև և ամպրոպ, 16-19-ը սպասվում է առանց տեղումների եղանակ: Քամին՝ հարավ-արևմտյան 3-8 մ/վ:
Օդի ջերմաստիճանը 15-ին, 16-ի գիշերը կնվազի 3-5, Լոռիում, Տավուշում, Սյունիքում և Արցախում՝ 8-10 աստիճանով, այնուհետև նույնքան կբարձրանա: Շիրակում, Տավուշում, Գեղարքունիքում, Լոռիում, Վայոց Ձորում գիշերը գրանցվել է ու այսօր էլ կգրանցվի 0-ից ցածր ջերմաստիճան:
Երևան քաղաքում ապրիլի 15-ի ցերեկը, 16-19-ը, սպասվում է առանց տեղումների եղանակ: Ապրիլի 20-ին ժամանակ առ ժամանակ սպասվում է անձրև և ամպրոպ:
Այսօր ցերեկը Երևանում կգրանցվի +15-+17 աստիճան տաքություն:
