Ֆլորիդայի Բրոուարդ շրջանի շերիֆը պաշտոնապես հաստատել է, որ դպրոցում հրաձգության հետևանքով 17 մարդ է զոհվել։ Նշվում է, որ 12 անձիք զոհվել են դպրոցի ներսում, 2-ը՝ դպրոցի սահմաններից դուրս, 1-ը՝ փողոցում, ևս 2-ը՝ հիվանդանոցում։ Դեպքը տեղի է ունեցել Փարքլենդի ավագ դպրոցներից մեկում։
Կասկածյալ՝ 19-ամյա Նիկոլաս Քրուզը ներկայում ձերբակալված է։ Դեռահասը բացառվել է դպրոցից կարգապահական պատճառներով։
Մանկավարժներից մեկը նրան անվանել է խնդրահարույց դեռահաս։
