Հասարակություն

Լրացավ ՀՀ զինված ուժերի բուժծառայության կազմավորման 20-րդ տարեդարձը

Հոբելյանական տոնի առթիվ ՀՀ ՊՆ վարչական համալիրում կայացել է հանդիսավոր միջոցառում, որին մասնակցել են ՀՀ պաշտպանության նախարար Սեյրան Օհանյանը, առողջապահության նախարար Դերենիկ Դումանյանը, կրթության և գիտության նախարար Արմեն Աշոտյանը, ՀՀ ԶՈՒ ԳՇ պետ, գեներալ-գնդապետ Յուրի Խաչատուրովը, գրող, հրապարակախոս Զորի Բալայանը, բարձրաստիճան զինվորականներ, ռազմական բժիշկներ և այլք: Հանդիսության շրջանակում տեղի է ունեցել նաև Երևանի պետական բժշկական համալսարանի ռազմաբժշկական ֆակուլտետի 1-ին կուրսեցիների երդման արարողությունը: Ներկաների համար ցուցադրվել է ՀՀ ՊՆ Տ և ՀԿ վարչությունում պատրաստված «Կյանքի ու մահվան սահմանում» խորագրով տեսաֆիլմը« որն անդրադարձ է ՀՀ զինված ուժերի բուժծառայության կազմավորման ու զարգացման փուլերին, Արցախյան ազատամարտում հայ բժիշկների գործած հերոսական սխրանքներին, բուժծառայողի աշխատանքին ու կերպարին:

Շնորհավորելով ներկաներին և դիմելով Հայրենիքի պաշտպանի պատվաբեր գործն ընտրած երիտասարդներին` պաշտպանության նախարար  Սեյրան Օհանյանը իր խոսքում ևս մեկ անգամ արժևորել է բուժծառայողների դերն ինչպես պատերազմի ժամանակ, այնպես էլ խաղաղ պայմաններում, ընդգծել է, որ մեր բժիշկները սխրալից ճանապարհ են անցել Արցախյան ազատամարտի տարիներին, իսկ այսօր էլ ունենք կատարյալ ռազմաբժշկական ծառայություն, որը պատշաճ է իրականացնում իր առջև դրված խնդիրները: Բուժծառայողի մասնագիտական տոնի կապակցությամբ ՀՀ պաշտպանության նախարարի հրամաններով մի շարք բուժծառայողներ և քաղաքացիական բժիշկներ պարգևատրվել են պատվոգրերով, գերատեսչական մեդալներով և արժեքավոր նվերներով:

Ցուցադրել ավելի

Թողնել պատասխան

Back to top button