Հասարակություն
ԿԸՀ անդամները հանձնաժողովի նախագահի տեղակալ եւ քարտուղար են ընտրել
ՀՀ Կենտրոնական ընտրական հանձնաժողովն արտահերթ նիստում այսօր՝ հոկտեմբերի 11–ին, ընտրել են հանձնաժողովի նախագահի տեղակալին եւ քարտուղարին: Նիստի մեկնարկին ՀՀ ԿԸՀ նախագահ Տիգրան Մուկուչյանը հայտնել է, որ նոր ընտրական օրենսդրության համաձայն՝ ԿԸՀ նախագահին եւ անդամներին ընտրում է Ազգային ժողովը, այնուհետեւ ԿԸՀ-ն իր կազմից ընտրում է հանձնաժողովի նախագահի տեղակալ եւ քարտուղար:
Նիստին մասնակցել են հանձնաժողովի բոլոր անդամները:
ԿԸՀ նախագահը հանձնաժողովի նախագահի տեղակալի պաշտոնում է առաջադրել Լաուրա Գալստյանի թեկնածությունը, որը միաձայն քվեարկությամբ ընտրվել ԿԸՀ նախագահի տեղակալ:
ԿԸՀ քարտուղարի պաշտոնում ընտրվել է Արմեն Սմբատյանը, որին հանձնաժողովի 6 անդամները եւ նախագահը միաձայն կողմ են քվեարկել: