Դերենիկ Դեմիրճյանի տուն-թանգարանի վարիչ, գրող, գրականագետ Կարինե Ռաֆայելյանը ժամանակակից այն հեղինակներից է, որը հաճախ էր այցելում Արցախ։ Բռնագաղթից հետո, նախաձեռնել է «Արցախ-ա-գիր» ծրագիրը՝ թանգարանի ֆեյսբուքյան էջում տեղադրելով արցախցի հեղինակների ստեղծագործություններից, իսկ ավելի ուշ, համախմբելով նրանց՝ կազմակերպում է գրական հանդիպում-քննարկում։
Կարինե Ռաֆայելյանը, արցախյան թեմայով իր բազմաթիվ հոդվածներից ու հարցազրույցներից հետո՝ ընթերցողի սեղանին է դնում երկու վիպակներից կազմված «Հույսի շավիղ» վերնագրով գիրքը։
«Լռությունից անդին» վիպակի երրորդ գլուխը Կարինե Ռաֆայելյանը վերնագրել է․ «Իմ տունն Արցախն է, իմ ընտանիքը՝ էս տղերքը»։
