Հայկական անկախ պետության վերստեղծումը պայմանավորված էր մի քանի հանգամանքով։ Հատկապես առանձնահատուկ էին հայոց զինուժի հաջողությունները։ 1918-ի մայիսին հայկական զինված ուժերն Արարատյան դաշտավայրում և շրջակայքում կարողացան կանգնեցնել գերակշիռ քանակ ունեցող օսմանյան բանակի առաջընթացը։
Պատմական Հայաստանի մի փոքր հատվածում հիմնվեց Հայաստանի 1-ին Հանրապետությունը։ Նորաստեղծ հայկական պետության դիվանագիտության պատմությունը պայմանականորեն կարելի է բաժանել 3 փուլի, որոնք որոշակիորեն առնչվում են Հայկական հարցի ուղղությամբ նրա վարած քաղաքականությանը։
Թեմային է անդրադառնում ԳԱԱ պատմության ինստիտուտի ավագ գիտաշխատող, պատմական գիտությունների թեկնածու, դոցենտ Համո Սուքիասյանը։
«Հայաստանի 1-ին Հանրապետությունը և նրա արտաքին քաղաքականությունը»՝ մաս 1-ին։