1911-ի համաժողովում երիտթուրքերը որոշում են թուրքացնել Օսմանյան կայսրությունը։ Դրանով նրանք թուրքական ազգային պետություն ստեղծելու հիմքն էին դնում։
Ելույթ ունեցողներից դոկտոր Մեհմեդ Նազըմը նշում է, որ օսմանիզմից թուրքիզմին անցնելու քաղաքականությունն անհնար է իրականացնել խաղաղ միջոցներով։
Նա և Մեհմեդ Թալեաթը շեշտում են, որ անհրաժեշտ է դիմել նաև բռնի մեթոդների։ Առաջիկա տարիներին արդեն որոշվում է ոչնչացնել բոլոր հայերին նրանց բնակավայրերում կամ տեղահանության ճանապարհին։
Հայոց Մեծ եղեռնը թուրքական իշխանությունների կողմից կանխամտածված ու ծրագրված հանցագործություն էր։
Թեմային է անդրադառնում Հայոց ցեղասպանության թանգարան-ինստիտուտի համեմատական ցեղասպանագիտության բաժնի գիտաշխատող Ռեգինա Գալուստյանը։ «Մեծ եղեռնի երիտթուրքական ծրագիրը»՝ մաս 1-ին։