Գուրգեն Երանոսյանը ծնվել է 1994 թվականի մարտի 29-ին Երևանում։ 2018-ին ավարտել է Երևանի Մխիթար Հերացու անվան բժշկական համալսարանի ստոմատոլոգիական ֆակուլտետը։ Աշխատում է մասնագիտությամբ։ 44-օրյա պատերազմին մասնակցել է ՈՄԱ գումարտակի կազմում՝ որպես բժիշկ։ Հոկտեմբերի 4-ից եղել է Քարվաճառում, ապա՝ Կարմիր շուկայում։ «Ես առաջին անգամ էի լինում Արցախում, փաստորեն, պատերազմով գնացի Արցախ։ Պատերազմի օրերին իմ ձեռքերում մարդ է մահացել, դա ծանր բան է, շատ ծանր, բայց ինչքան էլ այդ պահին ընկճվես, հասկանում ես, որ պետք է քեզ հավաքես ու մարդկանց օգնես»,-ասում է Գուրգենը։
Պատերազմի ամենածանր դրվագներից մեկը նոյեմբերի ինին էր։ Ասում է՝ սկզբում չես գիտակցում, հետո ես հասկանում, որ պատվել ես։ Զգացողությունները շատ հակասական էին․ պարտվել ես, բայց կենդանի ես։ Արցախից վերադարձավ զինադադարից հետո՝ նոյեմբերի 14-ին։ Վերադարձավ անհաջողությունից դասեր քաղելու վճռականությամբ։ Կարծում է, որ, առհասարակ, ազգովին պիտի դասեր քաղելու իմաստություն ունենանք։
