Ռադիոլուր

Արեւմտահայերէն լուրեր Դեկտեմբեր 2. 2022

Եւրոպական Միութիւնը կը շարունակէ հաւատարիմ մնալ Հայաստանի եւ Ատրպէյճանի միջեւ յարաբերութիւններու կարգաւորման աջակցելուն, «Twitter »-ի մէջ գրած է Եւրամիութեան Արտաքին գործերու եւ անվտանգութեան քաղաքականութեան հարցերով Բարձր ներկայացուցիչ՝ Ժոզեփ Պորէլ:
Կոտայքի մարզին մէջ ինքնաթիռի վթարի ն հանգամանքները պարզելու ուղղութեամբ քննչական գործողութիւններ կը կատարուին: Նախնական տուեալներով՝ 2022 թուականի Դեկտեմբեր 1-ին, ինքնաթիռ մը ինկած է Կոտայք մարզի Ջրաբեր գիւղի տարածքին մէջ եւ այրած, ինքնաթիռին մէջ գտնուող 2 անձերը մահացած են:

«Մանկական Եւրատեսիլ» մրցոյթի պատմութեան մէջ առաջին անգամ հաղորդավարներէն մէկը արհեստական բանականութեամբ աշխատող ռոպոթն է՝ որուն անունը Ռոպին է: Մանկական եւրատեսիլը այս տարի պիտի կայանայ Երեւանի մէջ Դեկտեմբեր 11-ին։

Back to top button