Անդրանիկ Ալեքսանյանը ծնվել է 2001 թվականի նոյեմբերի 24-ին Գորիսում։ Զորակոչվել է 2019-ի դեկտեմբերի 18-ին, ծառայել է Արցախի «Եղնիկներ» կոչվող զորամասում, որտեղ էլ 2020-ի հոկտեմբերի 1-ին «Սմերչի» հարվածից ծանր վիրավորվել է։ «Տուժել էր ամբողջ աջ կողմս, ոտքս համարյա կտրված էր»,-պատմում է Անդրանիկը։ 14 վիրահատություն ու տևական վերականգնողական բուժում Զինվորի տանը։ Ոտքին ամրացված մետաղական սարքը օգնում է ոտքի վերականգնմանն ու, միաժամանակ, հիշեցնում պատերազմի մասին, որի դրվագներից շատերը հիշողությունից պարզապես ջնջվել են։ «Երևի լավ է, որ ամեն ինչ ջնջվի ու կյանքը նոր տողից սկսենք»,-ասում է Անդրանիկը։
