Ռադիոլուր
Արեւմտահայերէն լուրեր Յունիս 22. 2022
Հայաստանի փոխ վարչապետ Մհեր Գրիգորեան 23-25 Յունիսին պիտի մասնակցի Ղազախստանի մայրաքաղաք Նուր-Սուլթանի մէջ կայանալիք Եւրասիական զարգացման դրամատան խորհուրդի նիստին: Որոշումը ստորագրած է վարչապետ Նիկոլ Փաշինեան:
Վարչապետ Նիկոլ Փաշինեան Մինսքի մէջ մասնակցեցաւ Եւրասիական միջ-կառավարական խորհուրդի ընդլայնուած կազմով նիստին եւ հանդէս եկաւ ելոյթով։ Վարչապետը կարեւոր համարեց ԵԱՏՄ երկիրներու պարենային անվտանգութեան ապահովումը՝ ժամանակակից տնտեսական մարտահրաւէրներու պարունակին մէջ։
Աշխատանքի և ընկերային հարցերու նախարարութեան «Գտի՛ր աշխատանք» հարթակին վրայ այս պահու դրութեամբ առկայ է 3,300 թափուր աշխատատեղ, կը յայտնեն գերատեսչութենէն: