Զինվորակա՞ն, թե՞ գիտնական․ ի վերջո՝ հաղթեց երկրորդը․ Սերոբ Խաչատրյան․ «Կյանքին ասել այո՛»

Սերոբ Խաչատրյանը ծնվել է 2002 թվականի մայիսի չորսին Եղեգնաձորում, չորս քույրերի միակ եղբայրն է։ Մինչ բանակ զորակոչվելը  ընդունվել էր ԵՊՀ ռադիոֆիզիկայի բաժին։ Մասնագիտական ընտրությունը հեշտ չէր կատարել․ երկար ժամանակ տատանվում էր՝ դառնալ զինվորակա՞ն, թե՞ գիտությամբ զբաղվել, ի վերջո հաղթեց գիտությունը։ Այժմ երկրորդ կուրսում է։ Զորակոչվել է 2019-ի հուլիսի 3-ին, ծառայել է Շուշիի ՀՕՊ զորամասերից մեկում։ Պատերազմի օրերին եղել է Ակնայում, Մարտունիում։ Զորացրվել է 2021-ի հուլիսի 3-ին։