Թվում է, թե դրամաշորթության մեխանիզմներից պաշտպանվելու մասին մենք բավարար իրազեկված ենք, բայց տարբեր խարդախության մեթոդներ, որոնք ժամանակ առ ժամանակ հայտնվում են համացանցի հայկական տիրույթում, ապացուցում են հակառակը:
Համացանցային խարդախների ծուղակում կարելի է հայտնվել ոչ միայն լուրջ կիբերգրոհների, այլ նաև անվտանգության հասարակ վարքականոններին չհետևելու պատճառով:
Անձնական տվյալների պաշտպանության գործակալության պետ Գևորգ Հայրապետյանի խոսքով՝ համեմատաբար վերջերս ադրբեջանական ձեռագրով ի հայտ եկած համացանցային հանցագործությունների մի մասը վկայում է, որ դրանք հնարավոր են դարձել անձնական տվյալների ոչ բավարարար պաշտպանության պատճառով: