Աիդա Ավետիսյան
«Ռադիոլուր»
Հաջորդ տարի Երևանի քաղաքապետարանը նախատեսում է ուժեղացնել սրտաբանական ծառայությունը: Տասը պոլիկլինիկաներում կտեղադրվեն ժամանակակից սոնոգրաֆիկ հետազոտության սարքեր: Այս ծրագրով կիրականացնեն սրտաբանական հիվանդությունների վաղ հայտնաբերում ու կանխարգելում: Քանի որ ինչպես ամբողջ աշխարհում, այնպես էլ Հայաստանում սրտային հիվանդությունները, դրանցից բխող հաշմանդամությունն ու մահացության դեպքերն առաջատար հորիզոնականներում են, այդ իսկ պատճառով պոլիկլինիկաներում այս ծառայությունները կմատուցվեն անվճար:
Պոլիկլինիկաների սրտաբաններն արդեն քաղաքապետարանի միջոցներով անցնում են անվճար վերապատրաստման դասընթացներ: Սրտաբանական հիվանդությունները գլոբալ խնդիր են և քաղաքապետարանը փորձում է գլոբալ լուծումներ տալ, և ըստ առողջապահության վարչության պետ Կամսար Բաբինյանի՝ այս ոլորտում հաջողություններ կգրանցեն:
