Թուրքական «CNNTurk» լրատվամիջոցն անդրադարձել է նախօրեին Թուրքիայի արտաքին գործերի նախարարության տարածած հաղորդագրությանը, որը վերաբերում էր Սպիտակ տան պաշտոնական կայքում մեկնարկած արտագաղթող սիրիահայերի համար հայ-թուրքական սահմանը բացելու ստորագրահավաքին: Մեջբերելով Թուրքիայի արտգործնախարարության հաղորդագրության տեքստից հետևյալ հատվածը` «Մարդասիրությանը վերաբերող պահանջների բավարարման նպատակով կատարվելիք քայլերի ձևաչափը, շրջանակն ու պայմանները սահմանվելու են մեր երկրի կողմից», «CNNTurk»-ը եկել է եզրակացության, որ Ահմեթ Դավութօղլուի ղեկավարած գերատեսչությունը սահմանը չբացելու ազդակներ է հղել:
