«Կաքավի երգը» առաջին անգամ տպագրվել է 1908 թվականի ապրիլին «Հասկեր» մանկական ամսագրում։ Սա Թումանյանի և Կոմիտասի բարեկամության ու համագործակցության միակ ավարտուն գործն է, որը հասել է մեզ։
Թումանյանի և Կոմիտասի համագործակցության ձևավորմանը նպաստել է իշխանուհի Մարիամ Թումանյանը։ Իշխանուհու նամակին Կոմիտասն այսպես է արձագանքել․ «Շնորհափայլ Իշխանուհի, ուրախությամբ կարդացի պ․ Յ․ Թումանյանի «Անուշը» և շատ անուշ գտայ, պատրաստ եմ Ձեր փափագն իրագործելու»։
Կոմիտասն «Անուշի» վրա աշխատեց մինչև 1909 թվականը, սակայն գործն այդպես էլ անավարտ մնաց։
Կոմիտաս-Թումանյան առնչությունների մասին պատմում է ԳԱԱ արվեստի ինստիտուտի տնօրեն, արվեստագիտության դոկտոր, պրոֆեսոր Աննա Ասատրյանը։
