Հոկտեմբերի 26-30-ը Երևանում տեղի է ունենալու Ֆլեյտայի Երևանյան առաջին միջազգային փառատոնը:
Այս օրերին Երևանը կդառնա ֆլեյտայի մայրաքաղաքը՝ միավորելով աշխարհի տարբեր երկրներից փառատոնին մասնակցող արվեստագետների՝ արվեստասերներին ներկայացնելով բարձրակարգ երաժշտություն:
Փառատոնը նպատակ ունի մեկ անգամ ևս վերարժևորելու ֆլեյտային երաժշտությունը, արտերկրից ժամանած լավագույն ստեղծագործողների հետ մշակութային երկխոսություն ծավալելու և նոր համագործակցությունների համար հնարավորություններ ստեղծելու:
Ֆլեյտայի Երևանյան առաջին միջազգային փառատոնը կանցկացվի Առնո Բաբաջանյանի անվան համերգասրահում:
Փառատոնի ընթացքում կլինեն համերգներ, վարպետության դասեր, դասախոսություններ, հանդիպումներ, որը երիտասարդ ֆլեյտահարների միջավայրում կխթանի ակտիվ, ստեղծագործական մթնոլորտ՝ հիմք դնելով նոր համագործակցությունների՝ բացահայտելով նոր անուններ:
Զրույց Ֆլեյտայի երևանյան առաջին միջազգային փառատոնի հիմնադիր և գեղարվեստական ղեկավար, «Ֆլեյտայի կամուրջներ» միջազգային նախագծի հեղինակ և գեղարվեստական ղեկավար, ջութակահար, օպերային ռեժիսոր Վարդան Վիրաբյանի հետ:
