Օրակարգը շատ բազմազան է Ռուսաստանի հետ, մամուլի ասուլում ասել է վարչապետ Նիկոլ Փաշինյանը՝ անդրադառնալով վաղը ՌԴ նախագահ Վլադիմիր Պուտինի հետ նախատեսված հանդիպմանը։
ԵԱՏՄ-ում նախագահող Հայաստանի վարչապետ Նիկոլ Փաշինյանը կգլխավորի կազմակերպության հոբելյանական գագաթնաժողովը, որը տեղի կունենա մայիսի 8-ի Մոսկվայում։
«Վաղը ես մեկնելու եմ Մոսկվա՝ նախագահելու ԵԱՏՄ խորհրդի նիստը, նաեւ երկկողմ հանդիպում կունենամ ՌԴ նախագահի հետ։ Օրակարգը շատ բազմազան է Ռուսաստանի հետ։ Այս ընթացքում կան բազմաթիվ կուտակված խնդիրներ, որոնց մի մասը բարձրաձայնվել է։ Մենք երբեք այն կարծիքին չենք եղել, որ այդ հարցերը բարձրաձայնվում են բարձրաձայնվելու համար։ Մենք այն կարծիքին ենք եղել, որ այդ հարցերը բարձրաձայնվում են այդ թվում՝ Հայաստան-Ռուսաստան բարեկամական հարաբերությունների համատեքստից նեգատիվ նյուանսները հանելու նպատակադրումով»,- ասել է Փաշինյանը։
