Նոյեմբերի 10-ին HISTORY Channel հեռուստաընկերութունը հաղորդագրություն տարածեց, որ Ֆլորիդայի ափերի մոտ հայտնաբերել են Space Shuttle Challenger-ի հատվածը։
ՆԱՍԱ-ի տիեզերական մաքոքի 20 ոտնաչափ հատվածը հայտնաբերվել է HISTORY Channel-ի նոր «Բերմուդյան եռանկյունի. անիծված ջրերի խորքում» սերիալի նկարահանումների ժամանակ։ Թիմն այդ ժամանակ փնտրում էր Երկրորդ համաշխարհային պատերազմի ժամանակ կործանված ինքնաթիռի բեկորներ, երբ նրանք հանդիպեցին Challenger-ի հատվածին։
Այն վերջին 25 տարվա ամենանշանավոր ջրասույզ գտածոն է։
1986-ի հունվարի 28-ին Չելենջեր տիեզերանավը բարձրացավ Ֆլորիդայի Կանավերալ հրվանդանից՝ տանելով դպրոցի ուսուցչուհի Քրիստա Մաքոլիֆին, ով պատրաստվում էր դառնալ առաջին ամերիկացի քաղաքացիական անձը, որը ճանապարհորդելու էր տիեզերք։ Յոթանասուներեք վայրկյան անց, երբ հարյուրավոր մարդիկ հետևում էին, այդ թվում՝ Մաքոլիֆի ընտանիքը, մաքոքը կոտրվեց ու աներևութացավ ծխի ու կրակի մեջ։ Միլիոնավոր մարդիկ ուղիղ հեռարձակմամբ սարսափելի ողբերգություն ականատեսը դարձան։ Փրկվածներ չկային։
HISTORY Channel-ի գործադիր փոխտնօրեն ու ծրագրավորման ղեկավար Էլի Լերերն է պատմում։
«Այս շարքի ստեղծման մեր նպատակն էր կարևորել հազարավոր խորտակված վայրերը, որոնք անվանում են «Բերմուդյան եռանկյունի տուն» և ներկայացնել իրենց պատմական նշանակությամբ և նույնիսկ տալ պատասխաններ, թե ինչպես են դրանք հայտնվել այնտեղ։ Թեև Չելենջերի բեկորների ուշագրավ հայտնաբերումը մեր սուզվող թիմի՝ Բերմուդյան եռանկյունին ուսումնասիրելու սկզբնական առաքելության մաս չէր կազմում, սակայն գտածոն մեր ազգի պատմության կենսական մասն է, և մենք պատիվ ունենք այն բացահայտելու»։
«Բերմուդյան եռանկյունի. անիծված ջրերի խորքում» ֆիլմաշարը HISTORY Channel-ի եթերում կմեկնարկի նոյեմբերի 22-ին։
Այժմ անդրադառնանք հայկական հիշողություններին՝ Բերմուդյանը հատելիս։
2007-ին Ծովային հետազոտությունների «Այաս» ակումբը «Անահիտ» ասոցիացիայի հետ համատեղ, նախաձեռնեց նավարշավ՝ փնտրելու Կարիբյան ջրերում խորտակված 17-րդ դարի հայապատկան «Քեդեխ Մերչանտ» նավը։
Նավարկությունը պատմական էր և արկածներով հարուստ, անձնակազմում 4 հոգով էին․ նավապետը՝ Կարեն Բալայանը, նավի սեփականատերը՝ Պավել Ղալումյանը, նավապետի օգնական Արա Թամանյանն ու Ալեքսանդր Մարգարյան։
Նավագնացության ուշագրավ դրվագների մասին «Ծովահայերի» տաղավարում հիշողություններով կիսվում է նավապետ Կարեն Բալայանը։
