Եվրոպական խաղերի չեմպիոն 63 կգ քաշային Հովհաննես Բաչկովը տպավորիչ հաղթանակով մեկնարկեց Տոկիոյում ընթացող օլիմպիական խաղերում` հայտնում է Հայաստանի Բռնցքամարտի Ֆեդերացիան:
Հայ բռնցքամարտիկը հսկայական առավելությամբ պարտության մատնեց Անտիգուա և Բարբուդան ներկայացնող Ռայան Ալստոնին։
Գյումրեցի մարզիկը բոլոր ռաունդներում նախաձեռնողի դերում էր, իսկ առաջին և երկրորդ ռաունդներում նույնիսկ նոկդաունի ենթարկեց մրցակցին։
1/8 եզրափակիչում Բաչկովը կմրցի ադրբեջանցի Ջավիդ Չալաբիևի հետ։
