Իրազեկված ես, ուրեմն պաշտպանված ես․ եզրույթն առաջին հերթին վերաբերում է քաղպաշտպանության ոլորտին։ Որքանո՞վ է մեր ազգաբնակչությունն իրազեկված այս ոլորտում։ Տեղեկացված է արդյոք մեզնից յուրաքանչյուրը՝ որն է լինելու իր անելիքը տագնապի առաջին ազդանշանից հետո։
Մենք ունե՞նք օրենսդրորեն ամրագրված նորմեր, որտեղ և՛ անհատները, և՛ տեղական ինքնակառավարման, և՛ պետական կառավարման մարմինները ունեն իրենց պատասխանատվությունն ու միջոցառումների ցանկը ՝ բնակչության պատսպարման ուղղությամբ տարվող աշխատանքների կազմակերպման և իրականացման ուղղությամբ։ Թեմայի շուրջ «Ռադիոլուրի հյուրասրահ»-ում զրուցել ենք Արտակարգ իրավիճակների նախարարության փրկարար ծառայության Քաղաքացիական պաշտպանության վարչության պետ Էդան Սնգրյանի հետ։