«Ռադիոլուրի հյուրասրահ»-ում Հայաստանի տարածքային զարգացման հիմնադրամի Ջրային տնտեսության ծրագրերի իրականացման մասնաճյուղի տնօրեն Մամիկոն Գասպարյանն է։
Նրա հետ զրուցել ենք ոռոգման համակարգում իրականացվող ծրագրերի և դրանց արդյունավետության մասին։
Ըստ Գասպարյանի` հակաճգնաժամային հիմնադրամի ֆինանսավորմամբ իրականացվող ծրագիրն ունի մի քանի բաղադրիչ․ներտնտեսային ցանցերի հիմնանորոգում, ինքնահոս համակարգերի կառուցում ՝ գործող մեխանիկականների փոխարեն, տասնամյակներով շահագործվող մայր և երկրորդ կարգի ջրանցքների արդիականացում ։ Արդյունքում՝ ջրային պաշարներն ավելի արդյունավետ կօգտագործվեն, էլեկտրաէներգիա, ֆինանսներ ու այլ ռեսուրսներ կխնայվեն, զգալի կավելանան ոռոգելի հողատարածքները։
Ծրագրի շահառուները հազարավոր տնտեսություններ են։ Հիմնադրամի մասնաճյուղն իրականացնում է նաև ռազմավարական կարևորության ջրամբարների շինարարություն․ ի՞նչ փուլում է աշխատանքը կառուցվող ջրամբարներում, արդյո՞ք նոր ջրամբարներ կառուցելու հեռանկար կա ։ Խոսել ենք նաև ոռոգման ժամանակակից տեխնոլոգիաների մասին։
