Ինքնապաշտպանական պայքարը Կիլիկիայում փրկում է հազարավոր կյանքեր:
Մարաշահայությունն, անգամ խիստ անհավասար պայմաններում, դիմում է ինքնապաշտպանության:
Ֆրանսիական կայազորը, սակայն, չի պաշտպանում հայերին, ինչը նպաստում է նրանց պարտությանը:
Հաճնում ևս հայերը դիմում են ինքնապաշտպանության: Այնթապի ինքնապաշտպանությունը տևում է 10 ամիս և ունենում է հաղթական ավարտ:
Թուրքերը նույնիսկ սպիտակ դրոշով են նրանց մոտենում բանակցությունների համար:
Ֆրանսիական կողմն այդ ընթացքում շարունակում է քեմալականներին սիրաշահելու իր քաղաքականությունը:
Կիլիկիահայությանը պաշտպանելու պարտավորություն ստանձնած Ֆրանսիան ի վերջո բռնում է Թուրքիայի կողմը:
Զրկվելով ֆրանսիական իշխանությունների հովանավորությունից՝ կիլիկիահայերն ստիպված են լինում վերջնականապես լքել իրենց բնօրրան հայրենիքը:
Թեմային է անդրադառնում Հայոց ցեղասպանության թանգարան-ինստիտուտի Թանգարանային ցուցադրությունների կազմակերպման բաժնի վարիչ Սեդա Պարսամյանը:
Կիլիկիայի վերջնական հայաթափումը և ինքնապաշտպանական մարտերը՝ մաս 2-րդ:
