Կարևորը որակյալ նպատակներ են․«Արժեքների հեղափոխություն»

«Հեռուստամարաթոն 2019»- ի արդյունքը նախորդ տարիներից ավելի քիչ գումար, բայց մասնակիցների ավելի մեծ քանակ արձանագրեց։ Հիմնադրամը փոխել է ռազմավարությունը և  կարևորում է ոչ թե նվիրատվությունների չափը, այլ՝ նվիրատուների  քանակը։ 

«Եթե հիմնադրամը կարողանա 1 մլն հայ ներգրավել, որոնք ամսական 5-10 դոլար կփոխանցեն, Հայաստանը կշենացնենք»,- ասում է «Հայաստան» համահայկական հիմնադրամի գործադիր տնօրենը։

«Դժվար գործողություն է՝ փոխել մարդկանց վերաբերմունքը,  որ ոչ թե գումար տան, այլ այդ գործն անեն հաճույքով»,- ասում է «Արժեքների հեղափոխություն» հաղորդման հեղինակ  Վահե Հովհաննիսյանը։ Նրա կարծիքով՝ ցուցանիշ պետք է լինի ոչ թե մասնակիցների քանակը, այլ նրանց ներգրավվածության ու մասնակցության աստիճանը։

Հովհաննիսյանը համոզված է՝ մասնակցության, ներգրավվածության, նվիրվածության գաղափարները շատ ավելի կարևոր են, քան` հավաքված գումարները։

«Հիմնական հարցը մեկն է՝ կարո՞ղ ենք առաջ բերել այնպիսի նպատակներ, որոնցով կհետաքրքենք, կոգևորենք աշխարհում ապրող հայերին, կհամախմբենք բոլորին»։

Խնդիրը, ըստ Հովհաննիսյանի, որակով նպատակներ ունենալն է։