Վլադիմիր Կռոյանի մեղեդիները դստեր հիշողություններում. «Ասացողը»

Վանաձորի «Հորովել» երգի-պարի անսամբլի երաժշտական մասի ղեկավար Էլմիրա Կռոյանը պատմում է իր հիսուն տարվա մասնագիտական փորձի մասին։

Նա ծնվել է երաժիշտների ընտանիքում։ Էլմիրայի պապը Էրզրումից գաղթած դուդուկահար էր։ Հայրը՝ Վլադիմիր Կռոյանը՝ նույնպես դուդուկ էր նվագում և հաճախ կատարում էր հին մեղեդիներ, որոնք Էլմիրան նոտագրում էր։

Երեսուն տարի անց Էլմիրա Կռոյանը հիշում է հոր մեղեդիները, մտովի փոխադրում դաշնամուրի համար և նվագում։