Լուսինե Վասիլյան
«Ռադիոլուր»
ՀՀ նախկին արտգործնախարար, ԱԺ պատգամավոր Վարդան Օսկանյանին փողերի լվացման հատկանիշներով հարուցված քրեական գործում որպես մեղադրյալ ներգրավելու որոշումը իրավական որևէ հիմնավորում չունի, այսօր լրագրողների հետ հանդիպման ժամանակ ասել է Օսկանյանի պաշտպան, փաստաբան Տիգրան Աթանեսյանը:
Ըստ նրա՝ գործը իրավական առումով որևէ հեռանկար, այդ թվում դատական, չունի և ունի միայն մեկ ելք՝ շաւտափույթ կարճում:
Քրեական գործի շրջանակներում նախկին արտգործնախարար, ԱԺ պատգամավոր Վարդան Օսկանյանը նախ վկայի, ապա մեղադրյալի կարգավիճակում հարցաքննության է կանչվել 4 անգամ: Ցուցմունք տվել է միայն առաջին անգամ, ըստ փաստաբան Տիգրան Աթանեսյանի, մանրամասն ներկայացնելով իր բոլոր փաստարկներն ու հակափաստարները:
Ցուցմունքներ տալու հետագա հրավերները նախկին արտգործնախարարը մերժել է: Գործում որպես մեղադրյալ ներգրավվելուց հետո Օսկանյանը շարունակում է օգտվել լռության իր իրավունքից:
«Լռության իրավուքնից օգտվելն այս դեպքում քաղաքական ու քաղաքացիական դիրքրոշում է, քանի որ իր համար պարզ է, որ սա քաղաքական հետապնդում է»,- ասում է փաստաբանը:
Միևնույն ժամանակ՝ Աթանեսյանը համոզված է, որ «ԱԱԾ և Գլխավոր դատախազության գործողությունները ամենևին պայմանավորված չեն Օսկանյանի ցուցմունք տալով կամ չտալով»:
Ըստ առաջադրված մեղադարանքի՝ բարեգործական նպատակներով Հանթսմանների ընտանիքից «Սիվիլաիթաս» հիմնադրամին փոխանցված գումարից 186 հազար դոլարը Վարդան Օսկանյանն օգտագործել է անձնական նպատակներով և այդ կերպ յուրացրել դրանք: Օսկանյանի շահերի պաշտպանի կարծիքով՝ մեղադրանքը հերքվում է հենց Օսկանյանի բանկային հաշիվների դրամական շարժով:
Գլխավոր դատախազը խորհրդարանում ասաց նաև , թե նախաքննության նյութերում կան «Սիվիլիթաս» խորհրդի հոգաբարձուների խորհրդի անդամների ցուցմունքները, որոնք փաստում են, թե վերջինները տեղյալ չեն եղել փոխանցման մասին:
Անդրադառնալով այս հարցին՝ Օսկանյանի փաստաբանը պարզաբանեց, թե գործում նման ցուցմունքներ կան: Դրանք, սակայն, վկայում են ոչ թե այն մասին , որ նախկին արտգործնախարարը ստում է, այլ այն մասին, որ այդ անձինք տեղյակ չեն եղել գործարքի մասին, որովհետեւ այդ ժամանակ դեռեւս խորհրդի անդամներ չեն եղել:
Լրագրողներին հետաքրքրում էր նաև, թե որն է գործարքի մյուս կողմի դիրքրորշումը կամ ընդհանրապես, ինչո՞ւ է լռում Հանթսմանների ընտանիքը:
«Հանթսմանների խոսելը կլինի ամպրորպի նման, ժամանակը կգա, և կլինի այդ արձագանքը»: