Ռադիոլուր

Արեւմտահայերէն լուրեր 17 Մայիս. 2024

Հայաստան առաջարկած էր Ռուսաստանին, որ «Զուարթնոց» օդակայանին մէջ միայն հայ սահմանապահները ծառայութիւն կատարեն, նաեւ որ ռուս սահմանապահները դուրս գան Հայաստան-Ատրպէյճան սահմանին գոյութիւն ունեցող 17 կէտերէն, մասնաւորապէս, Ներքին Հանդէն, ինչպէս նաեւ Սիսիանի եւ Գորիսի կէտերէն, Հանրային հեռուստաընկերութեան եթերով յայտարարեց Անվտանգութեան խորհուրդի քարտուղար Արմէն Գրիգորեան՝ շեշտելով․ Մոսկուան ընդունած է առաջարկը։

Անգարայի մէջ, Վրաստանի վարչապետ Իրաքլի Քոպախիծէի հետ տուած միացեալ մամլոյ ասուլիսին ընթացքին, Թուրքիոյ նախագահ Ռեչեփ Թայիփ Էրտողան յայտարարեց, որ Ատրպէյճանի եւ Հայաստանի միջեւ ստորագրուելիք խաղաղութեան պայմանագիրը պատմական պիտի ըլլայ: Հայաստանի Հանրապետութիւնը Կիպրոսի Հանրապետութեան մէջ դեսպանատուն պիտի բանայ, նստավայր ունենալով Նիկոսիան:

Back to top button