86 կողմ, 11 դեմ ձայների հարաբերակցությամբ ԱՄՆ Սենատը հաստատել է Ուկրաինային տրամադրվող մոտ 40 միլիարդ դոլարի օգնության՝ պատերազմի սկզբից ի վեր օգնության ամենամեծ փաթեթը, հայտնում է BBC-ն։
Այն ներառում է ռազմական, տնտեսական և հումանիտար օգնություն:
Պետքարտուղար Էնթոնի Բլինկենը և պաշտպանության նախարար Լլոյդ Օսթինը ավելի վաղ նախազգուշացրել էին, որ Ուկրաինա զենք ուղարկելու համար լիազորված միջոցները կսպառվեն այսօր, և օրինագիծը հետաձգվել էր Սենատում։
Փաթեթը ներառում է.
• 6 մլրդ ԱՄՆ դոլար անվտանգության աջակցության համար, ներառյալ ուսուցումը, սարքավորումները, զենքերը և աջակցությունը
• 8,7 մլրդ դոլար՝ Ուկրաինա ուղարկված ամերիկյան սարքավորումների պաշարները համալրելու համար
• 3,9 միլիարդ դոլար Եվրոպական հրամանատարության գործողությունների համար
• 9 միլիարդ դոլար Ուկրաինայի տնտեսական աջակցության հիմնադրամի համար:
• 5 մլրդ դոլար՝ համաշխարհային պարենային անապահովության դեմ պայքարելու համար
Հաջորդիվ նախագահ Բայդենը պետք է ստորագրի օրինագիծը:
