Աքսա և Ալսա Խան քույրերը հինգ տարի առաջ են տեղափոխվել Հայաստան, բայց այնքան վարժ են խոսում հայերեն, որ առաջին անգամ նրանց լսողները շփոթվում են:
Աքսա և Ալսա Խան քույրերը Հայաստան են տեղափոխվել իրենց ծնողների հետ: Հայրը ձեռներեց է, իսկ մայրն իրենց Մեհակ հնդկական ռեստորանի շեֆ-խոհարարն է:
Քույրերն ասում են, որ իրենց հաճախորդների 70 տոկոսը հայեր են, հետո միայն՝ հնդիկ ուսանողներ ու դեսպանատների աշխատողներ:
Աղջիկներն ասում են, որ հնդկական մշակույթը բացահայտելու վատագույն միջոցը հնդկական սերիալներ դիտելն է:
Իսկ եթե այս երկիրն իսկապես ճանաչելու ցանկություն ունեք, գնացեք Մեհակ ռեստորան, որտեղ Հայաստանի չափ փոքր տարածքում Հնդկաստանի չափ մեծ սրտով մարդիկ են:
