Հանրային ռադիոն «խոսում է» Հայաստանից դուրս ապրող հայերի հետ՝ իրենց երկրներում կորոնավիրուսով պայմանավորված իրավիճակի ու ձեռնարկվող քայլերի մասին։ Առաջին կանգառը Գերմանիան է։ Գրող և հրատարակիչ Զառա Մյուլլեր Սաֆարյանն արդեն 20 տարի ապրում է Բեռլինում, ունի սեփական հրատարակչությունը։
Ասում է ՝ գերմանացիներին տույժ-տուգանքների հատուկ համակարգ պետք չէ: Նրանց մեծ մասը տնից դուրս չի գալիս, որովհետև ի բնե կարգապահ է: Մեր հայրենակցի կարծիքով՝ սա է կորոնավիրոսի հաղթահարման գերմանական բանաձևի գաղտնիքը։
Գերմանիայում կորոնավիրուսով վարակվածների թիվը բավական մեծ է՝ շուրջ 100 հազար մարդ, փոխարենը շատ փոքր է մահվան դեպքերի քանակը, ինչը մասնագետներից շատերին ստիպում է վերլուծել գերմանական կորոնավիրուսի գաղտնիքը։
Ինչպե՞ս է հաղթահարում վիրուսը Եվրոպայի դաշնային պետությունը, երբ է սկսել պայքարը հիվանդության դեմ, ի՞նչ քայլեր են ձեռնարկվել։
