Նորատուսի խաչքարեր և արձանագրություններ. Նորատուսը հայտնի է գերեզմանոցով, որի հին հատվածն ընդգրկել է մոտ 800 խաչքար՝ կերտված 9-17-րդ դարերում: Այդ գերեզմանատունն իր մեծությամբ երկրորդն է Ջուղայի պատմական գերեզմանոցից հետո, որտեղ գտնվող մոտ 2500 խաչքարերը 1998-2005 թթ-ի ընթացքում ավերվել և ոչնչացվել է Ադրբեջանի կողմից: Հայտնի վարպետ Խարիբի «Սբ. Քրիստափոր» խաչքարը ցուցադրվում է Երևանի պատմության թանգարանում:
