Կոտայքի մարզի երեք՝ Աբովյան, Բյուրեղավան, Չարենցավան բնակավայրերում, «Վեոլիա Ջուրը» Պարտադիր կապիտալ աշխատանքների ծրագրով կոյուղագծեր է վերակառուցում։ Աբովյանում տասը հասցե է ընտրվել, Բյուրեղավանում 1, Չարենցավանում երկու թաղամասի երկու հասցե: Մոտ 135 մլն դրամի ներդրում է իրականացվում։ Ընտրվել են այն շենքերը, որտեղ կոյուղագծերը ֆիզիկապես մաշված են, խնդրահարույց, կառուցված սխալ թեքություններով։
Աբովյան քաղաքի կոյուղատար համակարգում 2024 թվականին ևս ՊԿԱԾ շրջանակներում աշխատանքներ են կատարվել: Վեց հասցեներում փոխարինված կոյուղագծերի հետ կապված մինչև այժմ որևէ բողոք չի ստացվել։ Ակնկալվում է, որ նույն արդյունքը կլինի նաև այս հասցեներում։
