44-ամյա Ռուսաստանի քաղաքացուն երկուշաբթի առավոտյան գնդակահարել են Լեհաստանի Բյալա-Պոդլյասկա քաղաքում (Բելառուսի սահմանից մոտ 40 կմ հեռավորության վրա) գտնվող ավտոկայանատեղիում, հայտնում է wPolsce24-ը։
Բելառուսական DzikMedia տվյալներով՝ սպանվածը «ծաղրանկարիչ Սեմյոն Ս-ն» է։
Ոստիկանությունը կրակոցից հետո փակել է քաղաքի փողոցները։ Ենթադրյալ մարդասպանը ձերբակալվել է Բյալա-Պոդլյասկայի Բելառուսի հյուպատոսարանի մոտակայքում։ Կրակոցներից հետո նա վազել էր այդ ուղղությամբ։ Ոչ պաշտոնական տվյալներով, ըստ գրում է wPolsce24-ի, ձերբակալվածը Բելառուսի քաղաքացի է։
Սեմյոն Սկրեպեցկին հայտնի էր Ռուսաստանի նախագահի՝ Վլադիմիր Պուտինի, Չեչնիայի ղեկավար Ռամզան Կադիրովի, ինչպես նաեւ ռուսական քաղաքական գործիչների` այդ թվում Ալեքսեյ Նավալնիի ծաղրանկարներով։
2021 թվականին նա տեղափոխվել էր Լեհաստան՝ հետապնդումներից խուսափելու համար։ 2026 թվականի հունիսի 12-ին` Ռուսաստանի օրվա առթիվ, նա ակցիա էր իրականացրել Բեռլինում Ռուսաստանի դեսպանատան առջեւ։ Սկրեպեցկին տրեխներով եւ ռուսական դրոշով երգում էր «Սոլնյշկո կռուգ» մանկական երգը վերամշակված տարբերակով։
