Երգ-երաժշտության, աշուղների ու անզուգական երգիչների Թիֆլիս քաղաքում է ծնվել խոսքարվեստի անզուգական վարպետը։ Մեծ սերը թատերական արվեստի նկատմամբ նրան տարավ Մոսկվա՝ ուսանելու, հետո՝ Երևանի առաջին պետթատրոն, խաղաց մի շարք ներկայացումներում։
Թատրոնը՝ թատրոն, բայց նրան ձգում էր ասմունքի արվեստը։ Իր ստեղծած մեկ դերասանի թատրոնով նա հանդիսատեսին ներկայացրեց գրական բարձրարժեք երկերի կոմպոզիցիաներ՝ բարձր մակարդակի հասցնելով գեղարվեստական խոսքը։
