Երբեմն թվում է, թե տասնյակ տարիներ առաջ տեղի ունեցած պատմական բախտորոշ իրադարձություններն ամբողջությամբ ուսումնասիրված են. գրվել են գրքեր, հոդվածներ, նկարահանվել են վավերագրական ու փաստագրական ֆիլմեր: Սակայն պատմական գիտության առանձնահատկությունն այն է, որ անգամ երկար տասնամյակներ անց ի հայտ են գալիս մեծ ու փոքր դրվագներ, որոնք հավելյալ տեղեկություն են ավելացնում մեր իմացածին:
Այդպիսի օրինակներից է Հայաստանի առաջին հանրապետության նշանավոր ռազմական գործիչներից մեկի՝ Տաճատ Հովակիմյանի կյանքը: Նա վճռորոշ դերակատարություն է ունեցել Սարդարապատի ճակատամարտում, եղել է հայտնի 5-րդ գնդի գումարտակներից մեկի հրամանատարը, զբաղեցրել զինվորական տարբեր պաշտոններ և զոհվել է 1920թ. թուրք-հայկական պատերազմում:
Հայաստանի պատմության թանգարանի նոր և նորագույն պատմության բաժնի վարիչ Սեդա Գալստյանի մենագրությունը նվիրված է հերոսի կյանքին: «Հասարակ գիտություն» հաղորդման հյուրը Սեդա Գալստյանն է։
